Găn leh 35 mkŏ mjing, kpưn đĭ anôk anei jing leh anôk ksiêm duah hŏng lu kdrăp mă bruă ênuk mrâo kơ krĭng hlơr, mâo leh kơhưm êdi ti Việt Nam, lehanăn Russia, mbĭt hŏng tar rŏng lăn. Boh tŭ dưn klei ksiêm duah mơ̆ng anôk bruă anei mâo đru leh kơ bruă kreh knhâo, hlăm anăn mâo wăt bruă lĭng kahan, bruă duh mkra, djŏ hŏng klei dôk čiăng ti Việt Nam lehanăn Rusia.

Blŭ hrăm ti anôk bi hdơr, bi ala kơ Đảng kơ knŭk kna k’iăng khua lăn čar Võ Thị Ánh Xuân hơêč hmưi kơ jih klei tŭ dưn leh mâo mơ̆ng anôk bruă anei, lehanăn čang hmăng anôk bruă anei lŏ bi mguôp kjăp hĭn tui duah hdră pŏk mlar ba wĭt klei tŭ dưn sĭt êmĭt hŏng bruă lĭng kahan, bruă duh mkra ala ƀuôn mơ̆ng jih dua nah./.