K’iăng khua lăn čar Võ Thị Ánh Xuân nao ti anôk trông čhai hŏng phung duh mkra jing êpul kahan hđăp ASEAN
Thứ bảy, 08:27, 26/10/2024
VOV Tây Nguyên
VOV Tây Nguyên
VOV4.Êđê - Klei trông čhai hŏng phung duh mkra jing kahan hđăp ASEAN tal sa mkŏ mjing aguah mbrue 25/10 ti ƀuôn prŏng phŭn Hà Nội. K’iăng khua lăn čar Võ Thị Ánh Xuân mbĭt hŏng 200 čô phung bi ala hriê mơ̆ng 10 ala čar hlăm ASEAN nao bi kƀĭn.
Hlăm dŭm thŭn giăm anei, mâo lu ala čar jing ƀĭng hgŭm kiă kriê phung kahan hđăp ASEAN mâo ba wĭt leh lu boh tŭ dưn đru kơ phung kahan hđăp ngă bruă duh mkra, msir klei dleh dlan, knap mñai, kpưn đĭ tui duah klei sah mdrŏng.
Klei trông čhai hŏng phung duh mkra jing kahan hđăp ASEAN mâo mkŏ mjing kyua klei čiăng mtrŭt mđĭ bruă bi hgŭm hlăm êpul hgŭm phung kahan hđăp pŏk mlar klei duh mkra mâo klei bi hgŭm mbĭt. Klei trông čhai anei kñăm ba wĭt lu klei găl mrâo hlăm klei bi hgŭm, bi đru ƀĭng kahan hđăp, lehanăn gŏ sang digơ̆, mđĭ kyar bruă duh mkra, mđrăm mbĭt hŏng ƀĭng hgŭm hlăm dŭm ala čar ASEAN.
Viết bình luận