Adiê hjan, klưh hroh lăn ngă kơ 3 čô djiê leh anăn luč ka thâo ƀuh ti să Mường Lang, hlăm anăn mâo 1 čô hđeh 5 thŭn. Êngao anăn, adiê hjan ngă luč liê êbeh 40 ha mdiê mnuih ƀuôn sang; 6 boh sang klưh hroh lăn, hlăm anăn 3 gŏ êsei mbĕ đuĕ mjêč, 3 gŏ êsei dôk msir mgaih boh jhat.

Ară anei, kdriêk Phù Yên dôk lŏ dơ̆ng gĭt gai êpul bruă djŏ tuôm pŏk ngă klei duah phung luč ka thâo ƀuh, mtrŭt mjhar mnuih ƀuôn sang, knuă druh, phung mă bruă hlăm Knơ̆ng bruă sang čư̆ êa kdriêk hŏng să hrui wiă ênhă mdiê luč liê. K’iăng khua phŭn bruă Nguyễn Hoàng Hiệp čih yap klei gĭr ktưn mơ̆ng kdriêk Phù Yên hlăm bruă msir mgaih klei yan adiê ngă, duah phung mâo klei truh. Mbĭt anăn, mtă kơ čar Sơn La leh anăn kdriêk Phù Yên lŏ dơ̆ng ktuê dlăng msir mgaih klei yan adiê ngă, pral hơĭt kjăp klei hdĭp leh anăn bruă mkra mjing kơ mnuih ƀuôn sang.