Leh nao dlăng dŭm bĭt anôk anăn, êpul ngă bruă bi klă phŭn agha ngă truh klei ksak đuĕ lăn, dlưh kđang lăn ti knơ̆ng kdơ̆ng êa Đông Thanh amâo mâo djŏ kyua hjan hlĭm, ƀiădah lăn ti krĭng anei mâo leh klei čiăng ksak đuê̆ mơ̆ng êlâo, leh mâo lu bruă mkŏ mkra hŏng lu phŭn agha hmăi mkăn ngă kơ klei ksak đuê̆ anei truh hmar hĭn.

Leh klei nao ksiêm dlăng, êpul ngă bruă mâo leh mmông mă bruă hŏng čar Lâm Đồng kơ bruă gang mkhư̆ klei truh yan adiê, ba mdah dŭm hdră êlan ti anăp leh anăn sui čiăng mgaih msir dŭm boh klei anăn. Ti nei, K’iăng khua phŭn bruă lŏ hma leh anăn mđĭ kyar krĭng ƀuôn sang Nguyễn Hoàng Hiệp mñă kơ čar Lâm Đồng srăng ngă lu klei ktar dlăng čiăng bi klă djŏ alŭ wăl mâo klei hmăi mơ̆ng klei ksak đuĕ, čiăng mâo tur knơ̆ng ba mdah dŭm hdră êlan mgaih msir.