Thượng tướng Lương Tam Quang, K’iăng Khua Phŭn bruă kahan ksiêm Việt Nam leh anăn K’iăng Khua anôk bruă kahan ksiêm ala čar Japon Ogata Yoshimi hrăm mbĭt gĭt gai Klei bi kƀĭn. K’iăng Khua phŭn bruă Lương Tam Quang lač klă, Klei bi blŭ hrăm tal anei jing gưl čiăng kơ dua anôk bruă hrăm mbĭt ksiêm dlăng boh klei dưi mâo, bi kah mbha, bi hgŭm, bi trông kơ dŭm boh phŭn dua tĭng bi mđing;

Bi tŭ ư hdră êlan, boh phŭn bi hgŭm kjăp, tŭ dưn hĭn, msir mgaih jăk bruă phung ngă soh dua ala čar hlăm boh klei mrâo, rơ̆ng êđăp ênang, đru mđĭ klei đăo knang plah wah dua tĭng, kyua klei tŭ dưn mbĭt mơ̆ng dua ala čar, mbĭt anăn, đru krơ̆ng kjăp klei êđăp ênang leh anăn mđĭ kyar krĭng wăl. Dua tĭng bi tŭ ư brei lŏ dơ̆ng mđĭ ktang klei bi hgŭm boh sĭt, tŭ dưn, bi hgŭm kjăp hĭn hlăm bruă bi hgŭm gang mkhư̆ phung ngă soh, rơ̆ng klei êđăp ênang, jăk mơak kơ mnuih ƀuôn sang dua ala čar Việt Nam-Japon./.