Hlăm 3 mlan gưl tal  1 kluôm ala mâo truh 2 êbâo 346 klei bi drăm êdeh êdâo hlăm êlan klông, ngă djiê truh êbeh 1 êbâo 400 čô mnuih, êka êbeh 1 êbâo 500 čô mnuih; mkă hŏng wưng anei thŭn dih hrŏ kơ 3 ênoh čuăn ênoh bi drăm, ênoh mnuih djiê, ênoh êka.

Mâo 14 alŭ wăl hrŏ hĭn êdi truh 40% ênoh mnuih djiê jing: Đà Nẵng, Đắc Nông, Long An, Cần Thơ, Thái Nguyên, Phú Thọ, Bắc Giang, Điện Biên, Lai Châu…Siămdah, adôk truh 16 alŭ wăl mâo ênoh mnuih djiê lu mơ̆ng klei bi drăm êdeh êdâo hĭn mkă hŏng wưng anei thŭn dih. Klah čun ti anôk bi kƀĭn k'iăng khua knŭk kna Trần Lưu Quang mtă, hlăm wưng kơ anăp mâo klei sa ai mđrăm mbĭt jih jang dŭm phŭn dhar bruă, mâo klei mta mtăn hâo hưn kơ jih jang mnuih hiu hlăm êlan klông mâo klei thâo săng hĭn, răng mgang kjăp klei êđăp ênang hlăm êlan klông./.