Ti anôk bi kƀĭn phung bi ala hmư̆ akŏ “Kruăk knăl bruă duh mkra Việt Nam thŭn 2022, klei dleh dlan, lông dlăng leh anăn klei čang hmăng thŭn 2023” leh anăn dŭm klei hâo hưn hŏng tač êngao mlan 1 leh anăn mlan 2/2023. Boh phŭn hâo hưn đru kơ phung knuă druh, đảng viên, phung mă bruă hlăm Êpul mâo klei dlăng kluôm, hŏng lu klei hâo hưn mrâo kơ bruă duh mkra Việt Nam hlăm wưng êgao.

Kơ hdră tă hlăm gưl 2 kơ anăp, bruă Đảng Êpul dŭm anôk bruă gưl dlông mtă, dŭm bruă Đảng lŏ dơ̆ng ktuê dlăng leh anăn hlue ngă tŭ dưn Hdră mtrŭn klei bi kƀĭn tal XIII mơ̆ng Đảng, Hdră mđĭ kyar bruă duh mkra ala ƀuôn 10 thŭn 2021-2030, Hdră kčah mđĭ kyar bruă duh mkra ala ƀuôn 5 thŭn 2021 - 2025; klei klah čŭn mơ̆ng Gưl dlông, Phŭn bruă kđi čar, Anôk dlăng bruă Đảng leh anăn Hdră mtrŭn mơ̆ng Bruă kƀĭn ala kơ Hdră kčah mđĭ kyar bruă duh mkra ala ƀuôn thŭn 2023. Lŏ dơ̆ng bi hgŭm, gĭr ktưn ngă bruă, msir mgaih klei dleh dlan, ba yua klei găl mđĭ kyar bruă duh mkra ala ƀuôn./.