Aguah mbruê 2/4, čar Khánh Hòa, Klei bi kƀĭn hưn mdah hdră čuăl mkă leh anăn mtrŭt duh bi liê čar Khánh Hòa thŭn 2023 mâo Phŭn bruă hdră kčah leh anăn duh bi liê bi hgŭm hŏng čar Khánh hòa mkŏ mjing. Khua knŭk kna Phạm Minh Chính nao leh anăn blŭ hrăm gĭt gai.

Klei bi kƀĭn jing klei yuôm bhăn hlăm gưl bi hdơr 370 thŭn mkŏ mjing leh anăn mđĭ kyar čar Khánh Hòa leh anăn 48 thŭn Hruê mtlaih êngiê Khánh Hòa. Kơ hdră tă, bruă klam, hdră msir phŭn hlăm wưng kơ anăp, Khua knŭk kna Phạm Minh Chính mtă, Khánh Hòa mjêč bi leh, pŏk ngă dŭm Hdră čuăl mkă, boh nik dŭm hdră kčah yuôm bhăn dưi hưn mdah, kriê dlăng, rơ̆ng klei bi hgŭm, tŭ dưn leh anăn mđĭ kyar kjăp hŏng hnơ̆ng trah dlăng sui, tă hdră mđĭ kyar hnơ̆ng kluôm, bi hgŭm krĭng, mđĭ lar klei găl, klei mâo, mđĭ kyar ktang bruă duh mkra, ala ƀuôn leh anăn răng mgang wăl hdĭp mda./.