Aguah mbrue 17/3, ti Hà Nội, Êppul hgŭm bruă mniê Việt Nam mkŏ mjing leh klei kčưm kơ bruă “Đru êpul hgŭm bruă mâo mniê kiă kriê, mjing bruă mă kơ phung mniê truh thŭn 2030” (pia klah čŭn jing bruă mrô 01). K’iăng khua knŭk kna Lê Minh Khái nao ti anôk bi kƀĭn anăn. Bruă mrô 01 mâo mta čuăn: Bi kjăp, đru mđĭ hnơ̆ng jăk lehanăn mâo klei tŭ dưn bruă ngă kơ êbeh 1.500 êpul hgŭm bruă, 10.000 êpul hgŭm mâo leh dŭm gưl đru hlăm klei mkŏ mjing; jih jang 100% mniê jing khua kiă kriê êpul hgŭm bruă mâo klei lŏ mjuăt bi hriăm, mđĭ klei thâo kiă kriê bruă knuă djŏ guôp hŏng klei duh mkra mnia mblei mơ̆ng êpul hgŭm bruă, kčĕ đru mkŏ mjing mrâo truh 750 êpul hgŭm bruă mâo mniê kiă kriê, mjing brei leh bruă knuă mă kơ phung mniê.

Blŭ hrăm ti anôk bi kƀĭn, k’iăng khua knŭk kna Lê Minh Khái mñă: Êpul hgŭm bruă mniê Việt Nam năng lŏ bi mguôp kjăp hĭn hŏng dŭm phŭn dhar bruă, alŭ wăl hlue ngă bruă knuă hlăm grăp wưng, lehanăn hlăm grăp thŭn, ngă bruă mrô 01 bi djŏ hdră êlan, hŏng klei djăp ênŭm, tŭ jing, lehanăn jing găl guôp hŏng mdê bi alŭ wăl./.