Blŭ ti knăm anei, êpul êya anôk bruă duh mkra tĭng dlăng myuôm klei čang hmăng đĭ kyar, wăl duh bi liê lehanăn k’hưm mơ̆ng Việt Nam, klei đăo knang mơ̆ng phung duh bi liê ala tač êngao hlăm hdră mtrŭn kiă kriê mơ̆ng knŭk kna.

Khua knŭk kna, lu êpul bruă duh mkra ala tač êngao dlăng Việt Nam mâo lu klei găl jing wăl anôk mkăp mnơ̆ng phŭn kơ tar rŏng lăn lehanăn tĭng dlăng myuôm bruă Việt Nam mâo klei đua klam yuôm bhăn hlăm hdră mtrŭt mđĭ bruă mnia mblei tar rŏng lăn, lu phung duh bi liê ƀuăn srăng pŏk mlar hdră duh bi liê kơ Việt Nam hlăm wưng ti anăp. Khua knŭk kna Phạm Minh Chính čang hmăng lehanăn đăo knang kơ anôk bruă duh mkra, phung duh bi liê ala tač êngao lŏ mđĭ hdră bi hgŭm, mđĭ ai tiê klei đua klam mơ̆ng klei ƀuăn rơ̆ng hlue ngă tŭ dưn, hrăm mbĭt lehanăn mđĭ kyar h’ĭt kjăp hŏng Việt Nam – Klei tŭ jing mơ̆ng phung duh bi liê ăt jing klei tŭ jing mơ̆ng Việt Nam./.