Thŭn 2022, Dhar bruă djuê ana ktuê dlăng dŭm bruă klam phŭn dưi jao, pŏk ngă mđrăm mbĭt, mâo klei tŭ dưn dŭm hdră bruă, hdră êlan djuê ana, đru kriê dlăng klei hdĭp bruă duh mkra- ala ƀuôn kơ mnuih ƀuôn sang krĭng djuê ƀiă leh anăn čư̆ čhiăng.

Hlăm thŭn 2023, Dhar bruă djuê ana lŏ dơ̆ng pŏk ngă dŭm bruă klam phŭn, hlăm anăn hlue ngă jăk hĭn Hdră kñăm ala čar mđĭ kyar bruă duh mkra- ala ƀuôn, krĭng mnuih djuê ƀiă leh anăn krĭng čư̆ čhiăng wưng thŭn 2021-2030, wưng 1: mơ̆ng thŭn 2021 truh thŭn 2025. Khua phŭn bruă, Khua Dhar bruă djuê ana Hầu A Lềnh brei thâo, hlăm dŭm thŭn êgao, Knŭk kna mâo leh lu hdră êlan čiăng mđĭ kyar bruă duh mkra krĭng mnuih djuê ƀiă leh anăn krĭng čư̆ čhiăng, hlăm anăn boh phŭn jing bruă lŏ hma. Anei ăt jing hdră kñăm, bruă klam mơ̆ng Dhar bruă srăng hlue ngă hlăm wưng kơ anăp./.