Klei bi kƀĭn ksiêm wĭt 20 thŭn bruă brei mnuih ƀun lehanăn phung knŭk kna dlăng ba čan prăk
Thứ sáu, 03:00, 30/12/2022
VOV Tây Nguyên
VOV Tây Nguyên
VOV4.Êđê - Aguah mbrue 29/12, K’iăng khua knŭk kna Lê Minh Khái nao lehanăn blŭ hrăm ti anôk bi kƀĭn ksiêm wĭt 20 thŭn hlue ngă hdră êlan brei mnuih ƀun lehanăn phung knŭk kna dlăng ba čan prăk hlue hŏng hdră mtrŭn mrô 78 mơ̆ng knŭk kna.
Blŭ hrăm ti anôk bi kƀĭn, K’iăng khua knŭk kna Lê Minh Khái lač, wưng kơ anăp klei mă bruă hŏng tač êngao amâo jăk lŏ pŏk ôh, mnơ̆ng mkra mjing dleh dlan hlăm klei čhĭ mnia, hmăi amâo mâo jăk hŏng mnuih ngă bruă, bruă knuă mă ênoh mâo ba wĭt kơ mnuih mă bruă, boh mơ̆ng klei ruă tưp Covid 19 sui, klei truh tơl mơ̆ng yan adiê ngă, êa lip lêč dleh thâo tĭng knăl...
Kyuanăn brei thâo bi đru čung ba, hlue ngă hdră êlan đru kơ mnuih dleh dlan, bi hrŏ ƀun hŏng klei kjăp. Snăn, K’iăng khua knŭk kna mtă, knơ̆ng prăk knŭk kna Việt Nam bi gĭt gai jih jang knơ̆ng prăk đru ba bruă yang ƀuôn bi ksiêm dlăng, lŏ mbŏ hdră êlan mkrum duah prăk, lehanăn ba yua prăk čan bi mâo klei tŭ dưn./.
Viết bình luận