Hluê klei hưn, thŭn 2024, Knŭk kna, Khua knŭk kna hluê ngă leh kjăp dŭm Hdră mtrŭn mơ̆ng bruă Đảng gưl dlông, Anôk bruă kƀĭn ala gĭt gai, kriê dlăng djŏ hdră, kyua anăn hdră duh mkra – ala ƀuôn ala čar drei đĭ kyar jăk, mâo lu boh tŭ dưn hlăm djăp mta bruă mkă hŏng thŭn 2023. Blŭ hrăm ti Anôk bi kƀĭn, Khua knŭk kna Phạm Minh Chính mñă, Klei bi kƀĭn mơak êdi hlăk mâo Khua gĭt gai Đảng Tô Lâm nao lehanăn blŭ hrăm gĭt gai.

Klei blŭ hrăm gĭt gai yuôm bhăn, kluôm ênŭm, hŏng jih ai tiê mơ̆ng Khua gĭt gai Đảng klă sĭt jing klei mđĭ ai prŏng lehanăn hdră êlan phŭn kơ Knŭk kna, dŭm gưl, dhar bruă, alŭ wăl pŏk ngă bruă hlăm thŭn 2025 lehanăn hlăm wưng ti anăp. Mta phŭn mơ̆ng thŭn 2025 jing “Kjăp ktang đua klam; pral kdal, khuăt tŭ dưn, mjing boh kdrŭt đĭ kyar pral, Knŭk kna, Khua knŭk kna mđing gĭt gai hluê ngă mđrăm mbĭt dŭm hdră mtrŭn, klei kčah mtrŭn mơ̆ng Đảng lehanăn Anôk bruă kƀĭn ala, mđing kơ 3 boh kdrŭt phŭn, 6 bruă klam phŭn, 12 hdră msir phŭn lehanăn 185 bruă ngă klă klơ̆ng./.