Klei bi kƀĭn mkŏ mjing hlăm boh klei jih bruă kđi čar dôk mjêč pŏk ngă bruă klam lŏ dơ̆ng dăp êpul bruă. Kơ bruă anei, Khua bruă kƀĭn ala Trần Thanh Mẫn brei thâo, wưng tal 1, dŭm phŭn, dhar bruă, anôk bruă bi khuăt leh êpul mă bruă, wưng 1  mkra mlih Hdră bhiăn phŭn, mkra đa đa hdră bhiăn leh anăn dăp 50% dŭm anôk bruă knŭk kna ti čar. Klei bi kƀĭn tal 9 mĭn tĭng bi kƀĭn hlăm giăm 2 mlan, hlăm wưng anei srăng mă klei blŭ mnuih ƀuôn sang kơ klei mkra mlih Hdră bhiăn phŭn.

Boh nik, mơ̆ng knhal jih mlan 4 truh akŏ mlan 5, Dhar bruă kƀĭn ala ăt srăng bi kƀĭn lu gưl čiăng dăp anôk bruă knŭk kna gưl să. Dŭm hră čih hdră bhiăn bi trông hlăm Klei bi kƀĭn tal anei mkra mlih lu bruă mdê mdê, hlăm anăn mâo hdră bhiăn yuôm bhăn snăk, hmăi prŏng kơ bruă mkra mjing, mnia blei leh anăn êpul êya bruă duh mkra.