Klei bi kƀĭn phung bi ala bruă kƀĭn ala truăn kơ bruă mguôp klei blŭ kơ 7 mta bruă mkra klei bhiăn
Thứ tư, 08:35, 29/03/2023
VOV TAYNGUYEN
VOV TAYNGUYEN
VOV4.Êđê- Hlăm 3 hrue, mơ̆ng hrue 5 - 7/4, ti Sang bruă kƀĭn ala srăng mkŏ mjing klei bi kƀĭn phung bi ala bruă kƀĭn ala truăn kơ bruă kñăm čiăng mă klei blŭ mkra truh kơ 7 klei bhiăn ba mdah kơ Bruă kƀĭn ala hlăm anôk bi kƀĭn tal 5.
Boh nik, hrue tal êlâo dŭm anôk bruă kiă kriê mâo hâo mdah klah čŭn kơ jih jang bruă prŏng mâo klei blŭ mdê mdê msĕ si hdră bhiăn Êpul hgŭm bruă lŏ mlih mrâo, hdră bhiăn bi ktưn ruah pô ngă bruă lŏ mlih mrâo, hdră bhiăn răng mgang kơ mnuih blei yua mnơ̆ng lŏ mlih mrâo.
Leh kơ năn phung bi ala hmư̆ klei hâo mdah klah čŭn dŭm mta bruă yuôm bhăn mkăn, kơ klei čih mkra hdră bhiăn ênoh ênil lŏ mlih mrâo, hdră bhiăn bi mnia mblei hŏng elektronik lŏ mlih mrâo, lehanăn bi trông kơ dua klei čih mkra hdră bhiăn anei. Hlăm hrue mă bruă knhal tuič, phung bi ala trông čhai kơ hdră bhiăn lăn ala lŏ mlih mrâo, lehanăn hdră bhiăn mnuih ƀuôn sang čŏng răng mgang./.
Viết bình luận