5 thŭn êgao, hlue ngă klei klah čŭn Klei bi kƀĭn tal III, bruă djuê ana, dŭm hdră êlan djuê ana mâo čar Kon Tum hlue ngă mâo lu klei tŭ dưn yuôm bhăn. Êdah êdi jing Klei mtrŭt mjhar “Bi mlih klei mĭn hdră ngă mơ̆ng mnuih djuê ƀiă, ngă kơ mnuih ƀuôn sang djuê ƀiă gĭr ktưn tlaih ƀun hơĭt kjăp” đru êbeh 15.300 gŏ êsei, giăm ƀun gĭr ktưn tlaih ƀun kjăp. Mơ̆ng prăk hdră bruă, čar Kon Tum bi liê mkra mlih, mkra mrâo êbeh 1.160 hdră bruă nah gŭ ti krĭng mnuih djuê ƀiă đru kơ mnuih ƀuôn sang găl ênưih hlăm bruă mkra mjing, mđĭ kyar bruă duh mkra leh anăn klei hdĭp.

Klei bi kƀĭn lŏ dơ̆ng bi mklă êlan sa anăn mơ̆ng Đảng leh anăn Knŭk kna kơ bruă djuê ana leh anăn klei bi hgŭm djuê ana. Klei bi kƀĭn mpŭ, bi mni 11 êpul, 25 čô mâo klei tŭ êdah êdi hlăm bruă djuê ana, hdră êlan djuê ana.