Klei bi kƀĭn prŏng anei mđing ksiêm wĭt kluôm dhuôm, bruă hlue ngă hdră mtrŭn mơ̆ng klei bi kƀĭn prŏng kluôm ala Mặt trận čar kwar Việt Nam tal IX, wưng thŭn 2019 - 2024, čiăng mâo hdră êlan mă bruă, bruă čuăn kơ bruă Mặt trận čar kwar Việt Nam hlăm wưng mrâo.

Hlue ngă hdră êlan “Mnuih ƀuôn sang thâo, mnuih ƀuôn sang bi trông, mnuih ƀuôn sang ngă, mnuih ƀuôn sang ksiêm, mnuih ƀuôn sang dưi dưn”, hlăm wưng leh êgao, knơ̆ng bruă mặt trận gưl dlông Việt Nam mkŏ mjing leh 31 êpul ksiêm dlăng pioh kơ bruă ksiêm djŏ hŏng bruă, knơ̆ng bruă mặt trận hlăm djăp gưl bi hlue ngă, hgŭm kăp ksiêm mâo truh 231 êbâo klei. Klei blŭ mgang hlăm yang ƀuôn mâo đru mguôp kơ klei mnuih ƀuôn sang jing phŭn hlăm klei mđĭ kyar bruă duh mkra ala ƀuôn. Bruă ksiêm dlăng, blŭ mgang mơ̆ng anôk bruă mặt trận jing bi tui tiŏ mnuih ƀuôn sang, dưn yua jih ai tiê klei mĭn, bi hgŭm hŏng mnuih ƀuôn sang, dah dưi mâo wăt mnuih ƀuôn sang kăp ksiêm./.