Blŭ hrăm klah čŭn klei bi kƀĭn, Khua knŭk kna Phạm Minh Chính čih yap bruă ngă mâo leh lu klei êdah kdlưn leh klei bi kƀĭn tal 3 mơ̆ng Anôk bruă gĭt gai, Khua knŭk kna bi mni dŭm alŭ wăl mâo leh lu klei gĭr ktưn hlăm bruă pŏk ngă bruă klam.

Boh nik, Hà Nội, ƀuôn prŏng Hồ Chí Minh leh anăn dŭm êpul mă bruă gĭr ktưn pŏk ngă 2 hdră bruă êlan dơ̆ng găn ƀuôn prŏng Hồ Chí Minh mrô 3 leh anăn êlan găn krĭng ƀuôn prŏng phŭn mrô 4, boh nik ngă leh jăk, klă klơ̆ng hdră msir mgaih anôk ala, hnêč mâo klei hrăm mbĭt mơ̆ng mnuih ƀuôn sang. Dŭm čar Đồng Tháp, Hậu Giang, Cà Mau, Đồng Nai… ăt pŏk ngă leh jăk bruă anei. Ară anei, anăn knăl hdră bruă yuôm bhăn ala čar, bruă phŭn hlăm bruă êlan klông dŭ mdiăng mâo 21 hdră bruă prŏng hŏng hlăm brô 70 hdră bruă đ’điêt./.