Klei bi kƀĭn tal 47 mơ̆ng Dhar bruă gĭt gai Anôk bruă kƀĭn ala
Thứ sáu, 09:06, 11/07/2025
Pô mblang: H’Nêč Êñuôl
Pô mblang: H’Nêč Êñuôl
VOV4.Êđê - Hruê 10-7, Gĭt gai Klei bi kƀĭn tal 47 mơ̆ng Dhar bruă gĭt gai Anôk bruă kƀĭn ala, Khua Anôk bruă kƀĭn ala Trần Thanh Mẫn mtă brei mđing kơ bruă čih mkra hdră bhiăn, bi mlih mrâo wăt kơ mta phŭn, hdră lehanăn hnơ̆ng tŭ jăk čiăng bi mklă bruă klam ktrâo atăt, mjing mrâo mơ̆ng Anôk bruă kƀĭn ala lehanăn Knŭk kna, mjing tur knơ̆ng kơ wưng đĭ kyar mrâo.
Klei kƀĭn brei leh klei blŭ kơ 8 mta. Năng mđing jing klei čih mkra Hră hâo mdah boh tŭ ksiêm dlăng “Bruă hluê ngă hdră mtrŭn, hdră bhiăn hlăm klei mđĭ kyar lehanăn ba yua mnuih mă bruă mkăp djŏ hŏng klei čiăng mđĭ kyar bruă duh mkra – ala ƀuôn, boh nik mnuih mă bruă mâo hnơ̆ng thâo”, mkra mlih Hdră čih mkra hdră bhiăn thŭn 2025; brei klei blŭ kơ bruă ksiêm wĭt Klei bi kƀĭn tal 9 lehanăn klei blŭ kơ bruă mprăp kơ Klei bi kƀĭn tal 10…
Khua Anôk bruă kƀĭn ala lač, wưng ti anăp jing dŭm mlan knhal tuič mơ̆ng wưng păn bruă Anôk bruă kƀĭn ala gưl XV, dŭm anôk bruă mơ̆ng bruă kƀĭn ala brei bi hgŭm kjăp hŏng Knŭk kna, dŭm anôk bruă djŏ tuôm, mđing bi leh dŭm bruă klam mâo kčah jao mơ̆ng thŭn 2025 lehanăn kluôm wưng păn bruă”./.
Viết bình luận