Truh ară anei kluôm ala adôk êbeh 315 êbâo boh sang dleh dlan kơ sang dôk čiăng đru mkra mđĭ sang dôk rơ̆ng êđăp ênang, hơĭt kjăp čiăng “hơĭt ai tiê hdĭp mda, mă bruă knuă”, đru hlue ngă hdră êlan hŏng phung mâo ai hŏng lăn čar, bi leh hdră kñăm bi hrŏ ƀun hơĭt kjăp, rơ̆ng êđăp ênang ala ƀuôn.

Ƀlŭ hrăm gĭt gai klei bi kƀĭn, Khua knŭk kna Phạm Minh Chính mtă kơ phung hlăm Anôk bruă gĭt gai bi trông, kah mbha hŏng ai tiê kpă, đua klam, kƀĭn hlăm dŭm boh phŭn jing bi mklă hdră kñăm, klei mĭn, hdră tă gĭt gai čiăng hlue ngă jih ai tiê, tŭ dưn Hdră, rơ̆ng bi leh hlăm thŭn 2025. Hlak mblang, bi mklă klei dleh dlan, gun kpăk leh anăn hdră msir, bruă klam phŭn, hdră kčah hlue ngă čiăng bi leh hdră kñăm hlăm thŭn 2025.