Ti anôk bi kƀĭn Khua knŭk kna mñă, Hdră êlan “Mđĭ kyar kjăp 1 ha mdiê mâo hnơ̆ng jăk, bi hrŏ mta jhat, mđrĭng hŏng klei mđĭ kyar mtah krĭng dap mnai krông Cửu Long truh thŭn 2030” mâo leh khua knŭk kna bi mklă hlăk mlan 11/2023 truh ară anei mâo giăm sa thŭn leh ngă bruă anei.

Jing sa mta bruă yuôm bhăn êdi hŏng mnuih pla mjing hlăm krĭng dap mnai krông Cưủ Long, truăn hlăm bruă pla mdiê, lehanăn mđrĭng hŏng bruă mdrŏng hŏng klei yan adiê bi mlih, anăp truh kơ klei thâo mdrơ̆ng jăk hŏng klei yan adiê ngă, bi hrŏ êwa jhat, tơl truh ti hnơ̆ng "0" djŏ tui si klei Việt Nam ƀuôn leh ti anôk bi kƀĭn COP26. Ti anôk bi kƀĭn anei, Khua knŭk kna mtă kơ phung bi ala tuh êyuh ai tiê klei mĭn, bi êdah klei hâo mdah, blŭ klah čŭn đŭt, klă mngač, nao djŏ kơ bruă, mâo klei bi êdah dŭm bruă čuăn, hdră êlan mkŏ mjing ară anei hlăm wưng tinăp kñăm čiăng bi leh jih jang mta kñăm, rơ̆ng kơ hnơ̆ng tŭ hlăm klei bi kƀĭn./.