Hŏng klei jing ti Gialai, mâo leh lu đang war bruă lŏ hma pŏk phai prŏng sa anôk, Hŏng lu mta mnơ̆ng mâo pla mjing jing leh mnơ̆ng dhơ̆ng knơ̆ng pioh ba čhĭ kơ ala tač êngao truh kơ 40 ala čar, krĭng lăn. Ară anei hlăm čar mâo truh 3 anôk duh mkra, lehanăn dôk čuăl mkă truh 23 alŭ wăl.

Boh mnga pla mjing ti čar lu jing kphê, ksu, kbâo, hbei ƀlang, čê, boh kroh... jing leh mnơ̆ng jăk pioh kơ bruă mkra mjing boh mnga. Ti anôk bi kƀĭn dŭm êpul êya hlăm phŭn bruă duh mkra mnia mblei, klei bi hgŭm dŭm anôk bruă, lehanăn phung duh bi liê mâo bi trông leh lu kơ bruă logistics ti Gia Lai. Jing kñăm lŏ mđĭ hĭn klei thâo săng kơ bruă logistics, bruă klam mơ̆ng ñu hŏng klei duh mkra mnia mblei, tă êlan duh mkra mnia mblei kjăp, mâo klei đĭ kyar kjăp hlăm logistics lehanăn klei bi hgŭm plah wah phung duh mkra hlăm čar lehanăn êngao čar./.