Ƀri bi hdơr 94 thŭn mkŏ mjing bruă Công đoàn Việt Nam, tlam mbrue 28/7, ti Sang bruă kƀĭn ala mkŏ mjing leh klei bi trông kơ mnuih ngă bruă thŭn 2023 hŏng akŏ “Bi leh hdră êlan, klei bhiăn kơ mnuih ngă bruă, lehanăn êpul hgŭm Công đoàn”. Khua bruă kƀĭn ala Vương Đình Huệ kiă kriê klei bi kƀĭn. Mâo truh 500 čô phung bi ala kơ mnuih ngă bruă hlăm kluôm ala. Anei jing klei mĭn mơ̆ng Knơ̆ng hgŭm mnuih ngă bruă Việt Nam lehanăn adŭ bruă kƀĭn ala hgŭm mkŏ mjing.

Klei bi kƀĭn anei kñăm iêo jak jih jang mnuih ngă bruă bi êdah ai tiê pô, mâo ya mta klei akâo hŏng bruă kƀĭn ala, hŏng phung khua kiă kriê bruă kƀĭn ala kơ hdră êlan, klei bhiăn hŏng mnuih ngă bruă, mâo dŭm klei akâo mđĭ kyar klei hdĭp mda, bi leh dŭm mta čuăn kơ thŭn 2023 lehanăn wưng thŭn 2021 -2026, đru mđĭ hĭn klei hdĭp mda mnuih ƀuôn sang, lehanăn bi sĭt klei êpa mhao kơ djuê ana prŏng sah jăk yâo./.