Hlăm klei bi kƀĭn, phung bi ala kah mbha kơ klei thâo, tui duah klei găl bi hgŭm hlăm bruă rŭ mdơ̆ng, mđĭ kyar ƀuôn prŏng leh anăn krĭng ƀuôn sang mơ̆ng dŭm ala čar hgŭm hlăm ASEAN leh anăn China, mơ̆ng anăn đru hlue ngă tŭ jing Hdră bi kƀĭn thŭn 2030 leh anăn Mđĭ kyar kjăp mơ̆ng Êpul hgŭm lu ala čar. Blŭ hrăm tinei, Khua phŭn bruă rŭ mdơ̆ng Nguyễn Thanh Nghị brei thâo, Việt Nam hlăm êpul 10 ala čar mrô sa tŭ lu klei yan adiê ngă, klei bi mlih yan adiê dlông rŏng lăn.

Khua phŭn bruă  Nguyễn Thanh Nghị lač kơ klei mĭn leh anăn hdră tă mđĭ kyar ƀuôn prŏng kjăp, mtah, thâo mĭn, mdrơ̆ng hŏng klei bi mlih yan adiê, bi hrŏ klei yan adiê ngă, mă anak mnuih jing phŭn leh anăn amâo lui hlei pô ti tluôn. Khua phŭn bruă đăo knang, boh tŭ klei bi kƀĭn anei hŏng klei blŭ “Klei bi tŭ ư Nam Ninh” srăng đru mguôp yuôm bhăn, klă sĭt hlăm klei bi hgŭm kluôm ASEAN leh anăn China, klei bi hgŭm ASEAN leh anăn China hlăm klei rŭ mdơ̆ng đĭ sa hnơ̆ng mrâo ktang hĭn, sĭt hĭn.