Hlăm klei blŭ hrăm bruă duh mkra gưl k’iăng Khua knŭk kna Việt Nam – Dhŭng Korea gưl tal 2 mrâo mkŏ mjing ti Hà Nội, mơ̆ng k’iăng Khua knŭk kna Việt Nam Lê Minh Khái leh anăn k’iăng Khua knŭk kna Dhŭng Korea Kyungho Choo hrăm mbĭt gĭt gai, 2 tĭng bi tŭ ư mđĭ hĭn klei bi mguôp duh bi liê, mnia mblei plah wah 2 ala čar hlăm wưng kơ anăp.

Ară anei, Dhŭng Korea lŏ dơ̆ng dôk mrô 1 kơ klei duh bi liê klă anăp (ngăn prăk bi klă duh bi liê mâo 81,3 êklai dolar), dôk tal 2 kơ klei bi mguôp đĭ kyar (3,75 êklai dolar), bruă hiu čhưn ênguê leh anăn klei mă bruă, dôk tal 3 kơ klei bi mguôp bruă mnia mblei (mâo 86,4 êklai dolar ti thŭn 2022). Dua čô khua gĭt gai tŭ ư lŏ dơ̆ng mđĭ hĭn klei bi mguôp plah wah knŭk kna Dhŭng Korea leh anăn knŭk kna Việt Nam hŏng bruă dưn yua tŭ dưn dŭm hdră đru amâo mâo wĭt mă, dưn yua ênoh prăk brei čan ODA Dhŭng Korea hŏng keh prăk EDCF leh anăn EDPF.