Klei čang hmăng mphŭn mkra êlan dơ̆ng pral Tân Phú – Bảo Lộc hlăm knhal jih thŭn 2023
Thứ sáu, 10:28, 14/04/2023
VOV Tây Nguyên
VOV Tây Nguyên
VOV4.Êđê- Knơ̆ng bruă sang čư̆ êa čar Lâm Đồng hlăk bi leh mjêč jih jang hră mơar, mâo klei hâo mdah klah čŭn kơ bruă mkra dua kdrêč êlan dơ̆ng prŏng Tân Phú - Bảo Lộc lehanăn Bảo Lộc- Liên Khương, pioh mkŏ klei bi mnia mblei hŏng ƀuôn prŏng Hồ Chí Minh lehanăn dŭm boh čar nah dhŭng.
Bruă mkra êlan dŏng prŏng Tân Phú - Bảo Lộc mâo boh taih truh 66km, hlăm anăn 11km găn hlăm kdriêk Tân Phú, čar Đồng Nai lehanăn 55km găn hlăm čar Lâm Đồng. Mbĭt hŏng êlan dơ̆ng prŏng Tân Phú - Bảo Lộc, knơ̆ng bruă sang čư̆ êa čar Lâm Đồng ăt hlăk dôk mkra mjing êlan dơ̆ng prŏng Bảo Lộc- Liên Khương mâo boh taih 74km, boh prŏng êlan truh 4 grông êdeh, hŏng ênoh bi liê tĭng tal êlâo jing 19.521 êklai prăk.
Jih jang bruă mkra êlan dơ̆ng prŏng anei jing êlan phŭn mơ̆ng čar Lâm Đồng hŏng ƀuôn prŏng Hồ Chí Minh, lehanăn dŭm čar nah dhŭng. Tơdah jih jang bruă mkra êlan dơ̆ng prŏng anei srăng mjing klei găl prŏng êdi mđĭ klei duh mkra mnia mblei mơ̆ng čar Lâm Đồng hŏng dŭm čar hlăm alŭ wăl mđĭkyar bruă duh mkra./.
Viết bình luận