­­Ti anôk hriăm mrô 1 – anôk bruă mjuăt bi hriăm ala čar mrô 4, Mỹ Đức, Hà Nội, Đại tướng Nguyễn Tân Cương, Khua kčĕ bruă lĭng kahan yang ƀuôn Việt Nam, k’iăng khua Phŭn bruă lĭng kahan nao hgŭm.

Ti anôk bi hriăm mrô 1 hŏng êbeh 1.500 lĭng kahan, khua kahan, kahan aƀuôn hlăm dŭm êpul hla čhiăm gru đảng – hlă čhiăm gru lăn čar, êpul lĭng kahan mniê pĕ tông, êpul phung kahan hang, êpul phung kahan êa, êpul lĭng kahan mniê hâo hưn, êpul lĭng kahan mniê mdrao mgŭn, êpul mniê răng mgang klei êđăp ênang Việt Nam, êpul kahan hang, kahan êdeh msei, kahan đặc công, lĭng kahan mniê kwar Dưr, êpul djă hla čhiăm gru leh anăn êpul dôk dơ̆ng. Ksiêm dlăng mmông bi hriăm, Nguyễn Tân Cương pah mni ai tiê hriăm mjuăt mơ̆ng phung knuă druh, lĭng kahan, ƀiădah khua kčĕ bruă ăt ktrâo klă đa đa bruă čiăng mgaih msir. Êpul ruê̆ kahan hlăm knăm bi hdơr čiăng lŏ bi êdah ai êwa kdrưh kơăm mơ̆ng klei krŭ kdơ̆ng yan mnga 1975, kdlưn hĭn jing hdră mblah Hồ Chí Minh tŭ dưn kluôm kluôm yang hruê dơ̆ng 30/4/1975.