Blŭ hlăm klei kƀĭn trông Phạm Tấn Công, khua kiă kriê Êpul hgŭm phung mnia mblei leh anăn tuh tia Việt Nam (VCCI) mñă klă: Hŏng boh sĭt knơ̆ng bruă jing êpul êya phŭn hlăm bruă mkŏ mjing bruă duh mkra, phung mnia mblei jing kmeh gơ̆ng mâo bruă klam gĭt gai, kriê dlăng, ktrâo lač êpul knơ̆ng bruă mơ̆ng lăn čar.

Ƀri wưng hruê phung mnia mblei Việt Nam 13/10, thŭn anei êpul êya knơ̆ng bruă tŭ mă hdră mtrŭn mrô 41 mơ̆ng Phŭn bruă kđi čar kơ bruă mkŏ mjing leh anăn bi lar bruă klam mơ̆ng phung mnia mblei Việt Nam hlăm wưng mrâo, mâo lu mta phŭn mrâo kơ klei mĭn, hdră tă leh anăn hdră êlan mđĭ kyar êpul phung mnia mblei Việt Nam hlăm wưng kơ anăp, mđing truh hluê ngă klei hmăng hmưi ala čar drei jing ala čar đĭ kyar ti thŭn 2045.