Ƀri wưng bi hdơr 92 thŭn hruê mkŏ mjing Êpul bruă hđeh êdam êra cộng sản Hồ Chí Minh, aguah anei 17/3, Êpul khua bruă hđeh êdam êra cộng sản Hồ Chí Minh gưl dlông mkŏ mjing Klei kƀĭn “Klei blŭ phung mda asei – Bruă ngă mơ̆ng Đoàn”. Klei kƀĭn dưi mkŏ mjing klă anăp bi mguôp hŏng êlan online mkŏ hŏng anôk bi kƀĭn bruă đoàn dŭm čar, ƀuôn prŏng leh anăn êpul bruă đoàn, bruă hội ti ala tač êngao.

Klei kƀĭn mâo 2 kdrêč: tal sa jing hŏng akŏ “Bi lar ai ktang phung mda asei čiăng mkŏ mjing ala čar mdrŏng sah, yâo mơak” bi trông kơ dŭm hdră êlan mđĭ hnơ̆ng tŭ jăk, boh tŭ bruă mtô mjuăt bi hriăm, dŭm hdră ngă bruă cách mạng, mkŏ mjing êpul bruă Đoàn – Đoàn nao hgŭm mkŏ mjing Đảng, pŏk phai mặt trận klei bi mguôp phung hđeh êdam êra leh anăn bi lar ai tiê čŏng pô, nao êlâo, bi mguôp, thâo mĭn, klei jhŏng mơ̆ng phung mda asei đru mkŏ mjing ala čar mdrŏng sah, yâo mơak hluê si ai tiê klei kƀĭn Kluôm bruă Đảng tal 13. Kdrêč tal 2 hŏng mta knăm bi trông kơ dŭm hdră êlan mkŏ mjing bruă Đoàn, bruă Hội, bruă Đội hlăm bruă ksiê dlăng, đru kơ phung hđeh đĭ kyar kluôm dhuôm.