Hdră mtrŭn 79 - NQ/TW hruê 06/01/2026 mơ̆ng Phŭn bruă kđi čar kruăk klei bi mlih hlăm klei mĭn mđĭ kyar bruă duh mkra knŭk kna. Mơ̆ng bruă klam “păn kjăp, kluôm dhuôm” jing bruă klam mĭn mrâo, ktrâo atăt lehanăn pŏk êlan kơ hdră đĭ kyar kdlưn hĭn, hlăm klei bi mjĕ mbĭt hŏng krĭng duh mkra êngao knŭk kna. Hlăk anăn, Hdră mtrŭn 80 - NQ/TW, hruê 07/01/2026 mơ̆ng Phŭn bruă kđi čar mđĭ kyar dhar kreh jing sa hdră mtrŭn yuôm bhăn ară anei, mdưm hdră mđĭ kyar dhar kreh hlăm wưng ñŭ kma hŏng tar rŏng lăn, anei jing hdră pral ñŭ kma. Mta mrâo ti Hdră mtrŭn 80 jing hdră bi mjĕ kluôm lehanăn mrâo hŏng klei mđĭ kyar bruă dhar kreh.

Gưl tal êlâo dhar kreh mâo klei bi mjĕ kjăp hŏng bruă duh mkra, mnia mblei lehanăn bruă tuh tia mkra mjing hdră dhar kreh, dlăng anei jing boh kdrŭt mđĭ kyar lehanăn jing mta yuôm bhăn mơ̆ng “Ai ktang” ala čar. Blŭ hrăm ti knăm anei, Khua gĭt gai Đảng Tô Lâm brei thâo, dua Hdră mtrŭn mrâo dưi mkŏ mjing hluê tur knơ̆ng ksiêm dlăng boh sĭt lehanăn klei hlak mblang hlăk ala čar mŭt hlăm wưng đĭ kyar mrâo mbĭt anăn msir mghaih dua tur knơ̆ng phŭn jing Mđĭ hĭn “Klei găl mâo kơ mnơ̆ng dhơ̆ng” lehanăn “Bi kjăp klei gĭr” mơ̆ng ala čar. Mñă klei gĭr mkŏ mjing hdră duh mkra êngiê, ngă phŭn mil pô, pral, tŭ dưn mguôp hŏng hdră ñŭ kma lehanăn mkŏ mkra bruă dhar kreh Việt Nam đĭ kyar, jiă knhuah djuê ana.