Klei kƀĭn mâo akŏ “Klei bi lông mtah tar rŏng lăn: mơ̆ng hdră êlan truh kơ klei mnia mblei kjăp”. Klei kƀĭn mâo wăt gưl kƀĭn thơ̆ng kơ klei čih dưi mkŏ mjing mmông aguah leh anăn klei kƀĭn kluôm dưi mkŏ mjing mmông tlam hlăm hruê. Dŭm mta phŭn dưi bi trông hlăm klei kƀĭn thŭn anei mâo: Mtrŭt mđĭ klei mlih pui kmlă kjăp, mtrŭt mđĭ hluê ngă klei bi hmô bruă duh mkra dar, mkŏ mjing klei mkăp brei mtah… Klei kƀĭn jing mmông găl čiăng kơ êpul êya dŭm knơ̆ng bruă bi trông, mâo dŭm klei bi êdah, hdră êlan djŏ tuôm hlăm bruă mđĭ ai dưi bi ktưn, mtrŭt mđĭ klei đĭ kyar kjăp mơ̆ng knơ̆ng bruă.

Klei kƀĭn iêo jak 250 čô bi ala nao hgŭm klă anăp leh anăn 300 čô bi ala nao hŏng êlan online, mâo phung bi ala dŭm anôk bruă, dhar bruă, pô bi ala dŭm êpul bruă tač êngao, dŭm êpul êya ala tač êngao leh anăn êpul êya dŭm knơ̆ng bruă, êpul hgŭm knơ̆ng bruă hlăm kluôm lăn čar, phung thơ̆ng kơ bruă leh anăn dŭm anôk bruă klei mrâo, hâo hưn.