Blŭ hrăm hlăm klei kƀĭn, Khua knŭk kna Phạm Minh Chính mñă klă, bruă ksiêm dlăng hŏng Êpul khua bruă Đảng čar, ƀuôn prŏng mâo: ƀuôn prŏng Hồ Chí Minh, Bình Dương, Bà Rịa - Vũng Tàu jing bruă klam yuôm bhăn, srăng mâo klei čŏng pô, čiăng ngă bruă ksiêm dlăng, ktuê dlăng, bi lar hdră bhiăn gĭt gai mơ̆ng Đảng, hdră ngă bruă mơ̆ng Đảng, hlăm anăn mâo klei lŏ ksiêm pô leh anăn čiăng mâo klei čŏng pô.

Boh nik jing bruă ksiêm dlăng dŭm gưl bruă đảng mơ̆ng čar truh nah gŭ, boh nik jing dŭm anôk bruă kyua mnuih ƀuôn sang jing mta kñăm knhal tuč mơ̆ng Đảng jing rơ̆ng kơ klei êđăp ênang yang ƀuôn, răng mgang klei dưi kiă kriê lăn čar, čiăng kơ mnuih ƀuôn sang êđăp ênang, trei mđao, yâo mơak. Khua knŭk kna mñă leh klei kƀĭn anei, dŭm alŭ wăl mjêč mkŏ mjing klei hưn mdah, mâo wăt dŭm hră mơar djŏ tuôm, phung mkŏ klei blŭ hrăm, bi mguôp hŏng êpul ksiêm dlăng lăm klei mă bruă.