Blŭ hrăm hlăm klei kƀĭn trông, pô bi ala čar Gia Lai, Kon Tum, Dak Nông, Dak Lak, Bình Phước mâo leh dŭm klei bi êdah klă klơ̆ng, kñăm mtrŭt mđĭ klei bi mguôp bruă duh mrka ala ƀuôn plah wah dŭm čar knông lăn. Bi kơ čar Gia Lai, bruă sang čư êa čar mñă kơ Bruă kƀĭn ala 3 ala čar mâo hdră mtrŭt mđĭ kơ alŭ wăl 3 kiêng đĭ kyar msĕ si hdră êlan duh bi liê prăk jia ƀiă, hdră êlan mkum mguôp ngăn prăk, mđĭ hĭn klei bi mguôp hluê ngă dŭm hdră êlan bruă mdrao mgŭn plah wah 2 ala čar.

MJưh ruê̆ mmông mă bruă, Vũ Hải Hà, Khua hlăm bruă Đảng gưl dlông, Khua kiă kriê Dhar bruă hŏng tač êngao mơ̆ng Bruă kƀĭn ala Việt Nam brei thâo: Dŭm klei blŭ mguôp mâo boh tŭ dưn yuôm bhăn čiăng kơ Bruă kƀĭn ala 3 ala čar đru kơ knŭk kna 3 ala čar lŏ dơ̆ng hrăm mbĭt, mtrŭt mđĭ dŭm hdră êlan kơ alŭ wăl, răng mgang klei êđăp ênang, mkŏ mjing êlan knông lăn êđăp ênang, bi hgŭm leh anăn đĭ kyar, ba klei mjĕ giăm 3 lăn čar, 3 anôk bruă kƀĭn ala ƀrư̆ hruê ƀrư̆ nao êlam hĭn.