Hluê si klei bi klă hlăm klei kƀĭn, hnơ̆ng tŭ jăk bruă mtô mjuăt bi hriăm ti krĭng Lăn Dăp Kngư dơ̆ng truh leh ti hnơ̆ng kah knar ala čar. Êpul phung nai mtô leh anăn knuă druh kriê dlăng bruă mtô mjuăt bi hriăm dưi uêñ mĭn duh bi liê, đĭ kyar wăt kơ ênoh leh anăn hnơ̆ng tŭ jăk, đru ƀrư̆ djăp ênŭm hnơ̆ng čuăn mlih mrâo bruă mtô mjuăt bi hriăm.

Khădah, hluê si phung bi ala, dŭm klei mlih mơ̆ng bruă mtô mjuăt bi hriăm krĭng Lăn Dăp Kngư ăt dôk êmưt, ka djăp ênŭm ôh hnơ̆ng čoh čuăn mđĭ kyar bruă duh mkra – ala ƀuôn, hnơ̆ng tŭ jăk mnuih mă bruă ka lu ôh leh anăn dôk mâo lu klei lông dlăng. Bi klă hlăm klei kƀĭn, Nguyễn Kim Sơn Khua phŭn bruă mtô mjuăt bi hriăm mñă klă, hlăm wưng kơ anăp, dŭm alŭ wăl hlăm krĭng lŏ dơ̆ng bi hriăm, mđĭ hnơ̆ng tŭ jăk phung nai mtô, hdră čuăl mkă sang hră mơar, adŭ hriăm djŏ guôp hĭn, iêo mthưr ai dưi yang ƀuôn kơ bruă mtô mjuăt bi hriăm, dưn yua jih hnơ̆ng ai dưi, mnuih mă bruă jing mnuih djuê ƀiă, nao mbĭt hŏng hnơ̆ng  čuăn mđĭ kyar bruă duh mkra – ala ƀuôn.