Khua knŭk kna brei thâo, truh kơ ară anei drei mâo jih jang giăm 15 hnơ̆ng čuăn bruă duh mkra – ala ƀuôn thŭn 2024, boh nik jing klei đĭ kyar êbeh 7%. Anei jing boh tŭ dưn mbĭt mơ̆ng lăn čar, mâo klei đru mguôp mơ̆ng bruă hŏng tač êngao. Khua knŭk kna mñă, phung bi ala bi klă boh sĭt, ksiêm duah dŭm hdră êlan leh anăn jhŏng bi êdah dŭm klei kdlưn hĭn čiăng bi hmar hlăm wưng kơ anăp, leh anăn si srăng ngă čiăng kơ mah jiăng tar rŏng lăn duh bi liê lu hĭn kơ Việt Nam.

Khua knŭk kna mñă ktang, drei srăng bi klă, mă ai dưi mơ̆ng lam jing mta phŭn hdră êlan sui, ƀiădah ai dưi mơ̆ng nah êngao ăt jing yuôm bhăn, srăng mđĭ hĭn ba jao kdrăp mrâo mrang, srăng kdlưn hĭn kơ hdră êlan anôk mnia mblei leh anăn kñăm ai dưi hnơ̆ng tŭ jăk, iêo jăk mnuih mă bruă, mlih mrâo hŏng klei mbruă leh anăn kriê dlăng thâo mĭn.