Leh hmư̆ dŭm klei blŭ, bi klă mơ̆ng hlăm mă bruă, Khua knŭk kna Phạm Minh Chính mñă klă, dăp anôk bruă knŭk kna gưl kdriêk, gưl să đru kñăm ai dưi, bi lar klei găl, ai ktang, mkŏ mjing klei găl lăn yua, mnơ̆ng čŏng mâo, mnuih mă bruă leh anăn iêo jak klei duh bi liê.

Hlăm wưng kơ anăp, Khua knŭk kna mtă brei kñăm gĭt gai đa đa bruă klam, hlăm anăn ktrâo klă, kñăm ngă jăk bruă hâo hưn, mđĭ klei thâo săng, sa ai hlăm klei mĭn, hlăm dŭm gưl mnuih ƀuôn sang ti alŭ wăl, čiăng hluê ngă jăk, klă nik, gĭt mtrŭt mjhar, mkŏ mjing klei sa ai hlăm bruă kđi čar, sai nao ai mơ̆ng mnuih ƀuôn sang. Srăng mâo klei nao hgŭm kjăp, mâo bruă klam leh anăn bi mguôp kjăp mơ̆ng dŭm Phŭn, dhar bruă gưl dlông leh anăn alŭ wăl, boh nik jing gưl bruă Đảng nah gŭ, bruă sang čư êa ti dŭm alŭ wăl ngă klei dăp.