Khua bruă kƀĭn ala Vương Đình Huệ gĭt gai klei kƀĭn. Blŭ hlăm klei kƀĭn, lu phung bi ala mñă ktang, hdră mtrŭn mrô 594 mơ̆ng Dhar bruă kƀĭn ala mtô kơ bruă ktuê dlăng mơ̆ng Êpul gơ̆ng bruă ƀuôn sang dŭm gưl jing tur knơ̆ng klei bhiăn yuôm bhăn, klă klơ̆ng kñăm mkŏ mjing klei mlih, bi djŏ, hŏng êlan hrăm mbĭt, mâo boh tŭ dưn dŭm bruă ktuê dlăng mơ̆ng dŭm anôk bruă mnuih ƀuôn sang jao.

Blŭ bi klă hlăm klei kƀĭn, Khua bruă kƀĭn ala Vương Đình Huệ mtă kơ Êpul gơ̆ng bruă ƀuôn sang dŭm čar, ƀuôn prŏng hluê ngă jăk 6 bruă klam kñăm, hlăm anăn ksiêm dlăng, bi klă, bi mbŏ čiăng hluê ngă hrăm mbĭt dŭm hdră êlan mrâo mơ̆ng Đảng, knŭk kna, boh nik jing dŭm hdră mtrŭn mơ̆ng Phŭn bruă kđi čar kơ klei mđĭ myar bruă duh mkra ala ƀuôn dŭm krĭng.