Aguah mbruê 11/4, ti Hà Nội, Bruă Đảng dŭm anôk bruă gưl dlông mkŏ mjing klei kƀĭn trông kơ klei mĭn leh anăn ktuê dlăng yang ƀuôn krah wưng păn bruă Klei kƀĭn prŏng tal 13 čiăng ksiêm wĭt boh tŭ bruă klei mĭn leh anăn ktuê dlăng yang ƀuôn mơ̆ng akŏ wưng păn bruă truh kơ ară anei leh anăn bruă klam, hdră êlan hlăm wưng kơ anăp hŏng bruă anei hlăm êpul bruă Đảng dŭm anôk bruă.

Blŭ gĭt gai klei kƀĭn Nguyễn Văn Thể, Khua bruă Đảng dŭm anôk bruă gưl dlông lač: Bruă klei mĭn leh anăn ktuê dlăng yang ƀuôn hlăm wưng êgao mâo leh Bruă Đảng dŭm anôk bruă leh anăn dŭm gưl bruă Đảng uêñ mĭn, dlăng yuôm bhăn, bruă thâo klă, hưn mdah leh anăn mghaih msir dŭm boh klei hlăm bruă anăn dưi djŏ hruê mmông hĭn. Nguyễn Văn Thể mtă hlăm wưng kơ anăp, Bruă đảng dŭm anôk bruă leh anăn dŭm gưl bruă Đảng djŏ tuôm lŏ dơ̆ng hluê ngă jăk klei bi lông bruă kđi čar čiăng răng mgang tur knơ̆ng klei mĭn mơ̆ng Đảng, mbĭt anăn mkŏ mjing hdră êlan hluê ngă jăk dŭm klei čuăn leh anăn bruă klam nao êlâo mơ̆ng phung knuă druh, đảng viên hŏng bruă hluê ngă klei bi klă mrô 1 mơ̆ng Phŭn bruă kđi čar kơ bruă lŏ dơ̆ng hluê ngă asăp mtrŭn mrô 5, mtrŭt mđĭ bruă tui hriăm leh anăn hluê ngă klei mĭn, knhuih hdĭp Hồ Chí Minh.