Hlăm klei kƀĭn, dŭm phŭn, dhar bruă, alŭ wăl hlăk mblang leh anăn bi êdah mkra mlih dŭm klei dleh kpăk, mâo lu blư̆ mơ̆ng hdră mơar hdră bhiăn  ară anei hŏng klei đĭ kyar bruă duh mkra, ala ƀuôn. Klei bi êdah hlăm klei kƀĭn trông lač klă dŭm anôk bruă, pô mâo klei dưi ba mdah hră mơar hdră bhiăn leh anăn dŭm anôk bruă djŏ tuôm srăng mâo bruă klam ksiêm duah, dưn yua boh tŭ ksiêm wĭt klei hưn mơ̆ng knŭk kna kơ boh tŭ ksiêm dlăng hră mơar hdră bhiăn čiăng ksiêm duah, čŏng pô ba mdah mgaih msir dum mta phŭn dôk ka bi djŏ, ka djŏ, mâo lu blư̆, dleh kpăk hlăm bruă hluê ngă bruă klam pô kơ bruă mkŏ mjing leh anăn bi kluôm hdră bhiăn.

Bi klă hlăm klei kƀĭn, k’iăng Khua knŭk kna Lê Minh Khái mñă kơ êpul čih mkra mđing hmư̆ klei blŭ mguôp, bi kluôm klei hưn čiăng truh hruê 26/9 hưn mdah hŏng knŭk kna bi klă leh anăn hưn hŏng bruă kƀĭn ala hlăm klei kƀĭn tal 6 kơ anăp.