Hluê anăn, mơ̆ng hruê 20-23/9/2023, ti ƀuôn prŏng Đà Nẵng mkŏ mjing Klei kƀĭn trông Khua phŭn bruă hâo hưn ASEAN tal  16 (pia klah čŭn 16 AMRI), Klei kƀĭn trông Khua bruă bruă hâo hưn ASEAN+3 gưl tal 7 (pia klă čŭn 7 AMRI+3) leh anăn dŭm klei kƀĭn trông djŏ tuôm. Hlăm brô 60 čô čih klei mrâo hlăm lăn čar nao hgŭm hlăm klei kƀĭn bruă klei mrâo.

Kiă kriê klei kƀĭn, Nguyễn Thanh Lâm, K’iăng khua phŭn bruă hâo hưn brei thâo, akŏ phŭn hlăm dŭm klei kƀĭn trông jing “Hâo hưn: Mơ̆ng klei hưn mthâo truh kơ klei hriăm kyua sa ASEAN čŏng pô leh anăn bi mdrơ̆ng”. Anei jing mta phŭn mâo Việt Nam čuăn ruah hlăm hdră klei kƀĭn hlăm anăn dŭm mta bruă djŏ tuôm hlăm wưng anei. Akŏ anei ƀi êdah bruă klam mơ̆ng bruă hưn mthâo mrâo mrang hlăm wưng mrâo, ba klei hưn jing boh kdrŭt đĭ kyar, mtrŭt mđĭ mlih mơ̆ng klei hưn jing klei thâo, mkŏ mjing sa ASEAN čŏng pô, bi kjăp ai ktang mơ̆ng lam, ai dưi tŭ leh anăn bi mdrơ̆ng čiăng bi klă bruă klam, kơhưm mơ̆ng ASEAN amâo djŏ knŏng hlăm alŭ wăl ƀiădah lŏ mprăp bi mdrơ̆ng hŏng dŭm klei mlih tar rŏng lăn ară anei.