Blŭ hlăm klei kƀĭn trông, Khua lăn čar Lương Cường lač klă: Klei mblah dưi hruê 30/4/1975 sua wĭt klei êngiê kwar Dhŭng jing sa hdră yuôm bhăn hlăm hƀuê ênuk djuê ana Việt Nam. Hlăm klei mblah dưi hƀuê ênuk anăn mâo klei đru mguôp mơ̆ng bruă hŏng tač êngao Việt Nam, Khua lăn čar lač, bruă hŏng tač êngao iêo jak leh klei sa ai leh anăn klei đru mơ̆ng dŭm ala čar dlông rŏng lăn, mkŏ mjing hdră bruă tar rŏng lăn sa ai hŏng klei krŭ kdơ̆ng mơ̆ng mnuih ƀuôn sang Việt Nam.

Hlăm ênuk gưl 20, amâo mâo lu ôh klei krŭ kdơ̆ng mơ̆ng djuê ana  dưi mâo klei sa ai ktang hlăm lăn čar leh anăn êngao lăn čar msĕ hŏng djuê ana Việt Nam. Mbĭt hŏng anăn, bruă hŏng tač êngao dưi bi mguôp kjăp hŏng dŭm mta bruă lĭng kahan leh anăn kđi čar mblah êjai, blŭ hrăm êjai, hluê anăn dưi mâo klei dưi, mkŏ mjing tur knơ̆ng kơ klei krŭ kdơ̆ng mtlaih êngiê kwar Dhŭng, hluh hlir lăn čar truh kơ klei dưi kluôm.