Hlue si Knơ̆ng bruă sang čư̆ êa kdriêk Tuy Đức, hlăm aguah 6/8, ti alŭ wăl 4, să Dak Buk So mâo anôk kđang lăn hŏng boh dlông 5cm truh 80 cm, dlông hlăm brô 110. Anôk kđang anei hlăm wăl mnuih ƀuôn sang dôk, hmăi kơ pưk sang 21 gŏ êsei.

Hlăm anăn, mâo leh 2 gŏ êsei mâo hdră bruă nah tluôn dlưh rai jih. 19 gŏ êsei adôk lô̆ kđang mtih sang leh anăn tur sang. Bruă sang čư̆ êa leh anăn êpul bruă djŏ tuôm kdriêk Tuy Đức ktuê dlăng, yap klei luč liê, pư̆ng mdhă hưn wăl klưh hroh lăn. Mbĭt anăn tiŏ nao êpul đru mbĕ đuĕ mjêč mnuih ƀuôn sang kbiă mơ̆ng krĭng huĭ hyưt. Snăn, wưng anei, ti kdriêk Tuy Đức, jih 2 să knông lăn jing Dak Buk So leh anăn Quảng Trực mâo klei klưh hroh, kđang lăn ti hnơ̆ng kjham, arưp kơ klei hdĭp mda, ngăn drăp giăm 100 gŏ êsei mnuih ƀuôn sang./.