Anei jing bruă yuôm bhăn kơ jih klei bi hdơr 50 thŭn hrue kwar dhŭng mâo klei êngiê, mluh lir lăn čar (30/4/1975 - 30/4/2025), kñăm hưn mdah awan dhuan, klei tŭ yuôm mơ̆ng klei dưi prŏng lăn dap kngư hlăm klei bi blah kdơ̆ng hŏng Mi sua wĭt klei êngiê kơ lăn čar. Ti anôk trông čhai, lu phung khua kahan, phung kreh knhâo lehanjăn phung bi ala mơ̆ng dŭm anôk bruă, êpul êya lĭng kahan dôk hlăm Binh đoàn Tây Nguyên (jing phŭn agha kơ êpul kahan prŏng mrô 3) mâo hlak mblang leh kơ boh tŭ dưn klei blah dưi anei.

Dơ̆ng mơ̆ng klei kiă kriê knhăk mơ̆ng Đảng, hlŏng truh kơ klei thâo mnêč hlăm klei bi blah, mơ̆ng lĭng kahan yang ƀuôn Việt Nam. Anôk trông čhai anei lŏ bi hdơr dŭm klei dưi kdrưh k’ăm, lehanăn tui duah klei hriăm mơ̆ng dŭm klei găn leh hlăm klei bi blah pioh lŏ răng mgang lăn čar ară anei, bi kdơ̆ng hŏng djăp mnêč jhat mơ̆ng phung bi roh, bi kjăp klei đăo knang kơ lăn čar pô êdei anăp. Lehanăn mjing klei găl kơ klei mjuăt bi hriăm, knhuah gru cách mạng, lŏ bi kơrŭ ai tiê thâo khăp kơ djuê ana, lehanăn thâo khăp kơ lăn car, boh nik hŏng phung hđeh gưl mrâo./.