Dŭm alŭ wăl ngă bruă anei mâo: Ninh Bình, Bắc Giang, Bắc Ninh, Hải Phòng, Thái Nguyên, Phú Thọ, Bắc Kạn, Lạng Sơn. Ti anôk bi hgŭm bruă anei mâo leh êbeh 160 phung duh mkra ngă klei hrŏng ruah mnuih ngă bruă mâo giăm 28 êbâo čô mnuih ngă bruă. Hlăm anăn, phung duh mkra nao hlăm bruă mkra mjing jing lu hĭn êbeh  50% dŭm adôk jing hlăm bruă mkăn: Jing bruă mnia mblei, dŭ mdiăng, mjuăt bi hriăm, bruă hiu čhưn ênguê.

Klei čiăng hrŏng ruah mnuih ngă bruă mâo klei thâo ti hnơ̆ng gưl krah, gưl prŏng kơ dlông truh giăm 27%. Klei čiăng ruah mnuih mâo hnơ̆ng thâo ti gưl mkrah duh, lehanăn mnuih ngă bruă truăn ti ênoh truh 42%. Klei čiăng ruah mnuih ngă bruă hŏng kiê kngan jing êbeh 31%. Klei găl kơ klei ngă bruă hrŏng ruah mnuih ngă bruă lu hĭn jing êpul mơ̆ng 18 - 25 thŭn.