Knăm bi kƀĭn hŏng phung čih klei mrâo Knăm mơak kphê Ƀuôn Ama Thuôt tal 8 thŭn 2023 ti Hà Nội
Thứ bảy, 00:00, 11/02/2023
VOV TAYNGUYEN
VOV TAYNGUYEN
VOV4.Êđê- Aguah 10/2, ti Hà Nội, Knơ̆ng bruă sang čư̆ êa čar Dak Lak mkŏ mjing klei bi kƀĭn hŏng phung čih klei mrâo Knăm mơak Kphê Ƀuôn Ama Thuôt tal 8 -2023.
Knăm mơak Kphê Ƀuôn Ama Thuôt tal 8 -2023 mâo akŏ: “Ƀuôn Ama Thuôt - Anôk truh mơ̆ng kphê dlông rŏng lăn” dưi mkŏ mjing hlăm 5 hruê, mphŭn mơ̆ng hruê 10/3 truh hruê 14/3 thŭn 2023, hŏng 6 êpul mbĭt hŏng 18 bruă mnia blei leh anăn dhar kreh. Anei jing sa klei dhar kreh prŏng, mjing klei găl čiăng hưn mdah anăn knăl kphê Ƀuôn Ama Thuôt, mđĭ kyar kphê jăk Việt Nam.
Mơ̆ng anăn, grăp knhuang ba Ƀuôn Ama Thuôt jing anôk truh mơ̆ng kphê dlông rŏng lăn, đru mđĭ hnơ̆ng yuôm, bi mklă kơhưm kphê Việt Nam hlăm anôk ba čhĭ dlông rŏng lăn. Klei hâo hưn kơ Knăm mơak dưi čih nanao hlăm Mbah hâo hưn điện tử čar Dak Lak, hlăm: http://daklak.gov.vn leh anăn Hla pŏk web hâo hưn mơ̆ng Knăm mơak Kphê Ƀuôn Ama Thuôt./.
Viết bình luận