Bi ala kơ Khua gĭt gai Đảng, Knŭk kna, Khua Bruă kƀĭn ala Trần Thanh Mẫn bi mni kơ klei siă suôr, thơ̆ng mơ̆ng phung knuă druh, phung mă bruă Sang kđăm mkra leh anăn bi mni kơ klei bi hgŭm kjăp, pral leh anăn bŏ hŏng bruă klam plah wah dŭm anôk bruă hlăm boh klei mjêč kđăm mkra leh anăn hưn mdah hdruôm hră. Boh nik jing hdruôm hră bi hdơr 80 thŭn Hruê ruah khua kluôm tal êlâo Bruă kƀĭn ala Việt Nam. 

Dŭm hdruôm hră mâo čih mkra klă mngač, jing klei ksiêm dlăng êlam kơ klei mblang leh anăn boh sĭt, đru kơ knuă druh, đảng viên leh anăn mnuih ƀuôn sang thâo săng hĭn kơ bruă klam hƀuê ênuk Bruă kƀĭn ala hlăm bruă cách mạng kdrưh kơăm mơ̆ng Đảng leh anăn djuê ana; boh tŭ leh anăn klei êdah kdlưn mơ̆ng Bruă kƀĭn ala hlăm 15 wưng păn bruă.