Knăm mơak Kphê gưl tal êlâo dưi mkŏ mjing ti đang kphê krĭng Lăn dap kngư
Thứ ba, 10:07, 11/03/2025
Pô mblang: H’Nêč Êñuôl
Pô mblang: H’Nêč Êñuôl
VOV4.Êđê - Aguah 10/3, ti wăl knhuah gru đang kphê CADA, să Êa Yông, kdriêk Krông Pač, mkŏ mjing leh “Knăm mơak Kphê dưi mkŏ mjing ti đang kphê thŭn 2025” hŏng akŏ “Hrăm mbĭt lehanăn kah mbha”.
Anei jing sa hlăm dŭm hdră ti knăm mơak Kphê Ƀuôn Ama Thuôt tal 9 thŭn 2025, kkuh mơak bi hdơr 50 thŭn Hruê mtlaih êngiê Ƀuôn Ama Thuôt.
Mơ̆ng krĭng lăn anei, ana kphê dưi bi lar leh hlăm kluôm krĭng lăn dap kngư, jing mnơ̆ng pla phŭn ba wĭt leh klei hdĭp trei mđao kơ mnuih ƀuôn sang. Kluôm čar Dak Lak ară anei mâo hlăm brô 210 êbâo ha kphê, hnơ̆ng mâo êbeh 550 êbâo ton kphê asăr. Ênoh prăk bi mnia mblei kphê mơ̆ng čar thŭn 2024 truh 1,2 êklai USD. Nguyễn Thiên Văn – Kơiăng khua Anôk bruă sang čư̆ êa čar Dak Lak brei thâo, anei jing thŭn tal êlâo čar mkŏ mjing hdră knăm mơak kphê ti đang kphê, jing sa hlăm dŭm gru kruăk mơ̆ng knăm mơak Kphê Ƀuôn Ama Thuôt, đru mguôp hưn mthâo dŭm mta mnơ̆ng lŏ hma truh hŏng phung tuê hiu čhưn ênguê./.
Viết bình luận