Hlăm ai êwa kdrưh k’ăm, Anak mtao čuê bruă Al - Muhtadee Billah leh anăn mô̆ gơ̆ iêo jak Khua knŭk kna Phạm Minh Chính leh anăn mô̆ ñu đĭ ti knưl, ti gŭ hla čhiăm gru 2 ala čar, Hla čhiăm gru 2 ala čar dưi mđĭ. Leh kơnăn, Anak mtao čuê bruă Al - Muhtadee Billah iêo jak Khua knŭk kna Phạm Minh Chính nao dlăng klei bi klă êpul mâo kơhưm. Leh knăm tŭ drông, Khua knŭk kna mkăp mmông blŭ hrăm hŏng phung knuă druh, phung mă bruă ti anôk bruă bi ala leh anăn êpul êya mnuih Việt Nam ti Brunei.

Hlăm lu mta bruă hruê anei, Khua knŭk kna nao čuă sang hră Gưl prŏng ala čar Brunei, bi tuôm hŏng mtao, mô̆ mtao leh anăn dŭm čô hlăm sang mtao, ktuê dlăng knăm bi klă hră mơar bi mguôp, blŭ hrăm hŏng dŭm knơ̆ng bruă pui mklă mrô 1 mơ̆ng Brunei…Anei jing gưl nao čuă tal êlâo mơ̆ng Khua knŭk kna Phạm Minh Chính truh kơ Brunei hŏng bruă păn mrâo kñăm bi êdah hdră êlan hŏng tač êngao mơ̆ng klei kƀĭn bruă Đảng tal 13 ba mdah leh. Anăn jing ngă tal êlâo hĭn bruă mđĭ kyar klei mjĕ giăm hŏng dŭm ala čar jĕ giăm leh anăn ASEAN. Anei ăt jing klei nao čuă klă klơ̆ng mơ̆ng khua gĭt gai knŭk kna Việt Nam truh kơ Brunei leh giăm 16 thŭn.