Hlăm mmông mă bruă, khua gĭt gai dŭm anôk bruă Sang mđung asăp blŭ Việt Nam kah mbha kơ dŭm bruă hâo hưn mtô mblang mơ̆ng VOV, dŭm klei dleh dlan hlăm hdră mđing truh kơ klei čŏng duah ngăn prăk mơ̆ng VOV hlue si Hdră mtrŭn 60 mơ̆ng Knŭk kna, klei dleh dlan hlăm bruă mkŏ mjing klei mă bruă leh bi hrŏ mnuih mă bruă, klei bhiăn akâo hră čih mơ̆ng anôk bruă klei mrâo hlăm boh klei ară anei, leh prăk knŭk kna khăt bi hrŏ snăn klei hdĭp msa mnuih mă bruă ƀrư̆ dleh dlan.

Mbĭt anăn kčĕ kơ dŭm hdră msir ruh mghaih klei dleh dlan hlăm wưng kơ anăp. Phung hlăm Knơ̆ng bruă dhar kreh mtô bi hriăm mơ̆ng bruă kƀĭn ala lač: VOV jing sa hlăm 6 anôk bruă klei mrâo phŭn mơ̆ng ala čar, ară anei tlă anăp hŏng lu klei dleh dlan, lông dlăng, klei bi ktưn kơ hdră mă bruă hâo hưn bi mlih kơ hdră ngă bruă. Knơ̆ng bruă dhar kreh mtô bi hriăm mơ̆ng Bruă kƀĭn ala srăng bi hgŭm hŏng VOV kčĕ dŭm hdră êlan, boh nik hdră êlan hlăm Hră bhiăn hră klei mrâo (lŏ mlih mrâo) anăp anei čiăng bi mklă kơhưm mơ̆ng dŭm anôk bruă klei mrâo hŏng Hdră bhiăn./.