Tlâo mlan êgao, khădah amai Nguyễn Thị Bích Thủy, k’iăng khua kiă kriê knơ̆ng bruă duh mkra mnia mblei Biofresh ti ƀuôn prŏng Đà Lạt mđung lu klei hưn duah mnuih mă bruă, jêñ jêñ blŭ hrăm hŏng anôk bruă hưn mdah bruă mă čar Lâm Đồng čiăng duah mnuih mă bruă ƀiădah kăn mâo boh tŭ lei.

Hluê si Hoàng Trọng Vinh, khua kiă kriê anôk bruă hưn mdah bruă mă čar Lâm Đồng, ară anei kluôm čar mâo 78 knơ̆ng bruă dôk duah mnuih mă bruă, hŏng êbeh 1.000 anôk mă bruă hlăm dŭm mta bruă msĕ si: Dịch vụ, bruă hiu čhưn ênguê, bruă lŏ hma, tă kčoh…Lu knơ̆ng bruă mâo prăk mlan hơĭt ƀiădah ăt dleh mâo mnuih mă bruă, boh nik jing phung thâo bruă msĕ si kỹ sư bruă lŏ hma, kriê dlăng bruă mnia mblei, bi êran dŭm mta masin.